سر الغياب

بسم الله الرحمن الرحيم

السلام عليكم ورحمة الله وبركاته احب اشكركم جميها على فرحتكم بيا ومسندتكم ليا وانا
ان شاء الله مش هرجع للسجاير تانى هو صحيح لسه مش بان الفرق ومتخنتش ههههههههه
بس برده انا حاسس ان سموم كتير كانت بتدخل جسمى وانا منعتها وده فى حد ذاته كويس
نيجى بقه لسبب غيابى انا بعتذر طبعا لأنى مش قولت ليكم انى هغيب عن التدوين بس انا
قولت اعملها مفجأه وبصراحه كنت ناوى اكتب بوست احكى فيه ازاى التدوين ساهم فى تغيير
اسلوب حياتى بس كنت مستنى لما المشروع يتم المشروع بقه عباره عن ايه عشان احكى المشروع
عباره عن ايه لازم احكى ليكم عن حكايتى ابدأ الحكايه

انا دخلت كلية الحقوق عشان مجموعى كان قليل ومكنتش حاببها وعشان كده لما اتخرجت مش حبيت
مهنة المحاماه وعشان كده مش نجحت فيها وكنت اشتغلت فى المحاماه حوالى سنه ونص وسيبتها
واشتغلت اكتر من حاجه وطبعا لانى مش حابب الشغل اللى كنت بشتغله كنت بسيبه وانا بقه من
اصحاب الاملاك ههههههههههه ال املاك ال عندى كام قيراط كده كنت ورثتهم عن والدى الله يرحمه
ادعو له بالرجمه يا خوانا عشان الله يرحمه كان راجل يستاهل كل خير اهو ربنا كان جعله سبب
فى سترنا وهو فى الدنيا وكمان ورثه اللى ورثنا ه منه كان سبب فى انه يسترنا وهو بين يدى رب العالمين
المهم انا قومت ببيع من القراريط دول قيراطين وعملت مشروع كده وطبعا المشروع فشل وخسرت خساره جامده
ووصلنا لفكره انا واخواتى اننا نبيع ارضنا اللى معنا ونشترى ارض فى الصحراءونزرعها وبدل ما يكون ليا
كام قيراط يكون ليا كام فدان لان الارض فى الصحراء طبعا سعرها مش هيكون زى الارض الموجوده فى القرى
انا بقه طبعا مليش فى الزراعه بس المشروع هيكون له مهندس زراعى مسئول عنه واحنا مجرد منفذين لطلباته
وقررنا ان نساهم فى نهضة مصر ههههههههههههه ال يعنى انا لما فكرت فيها كنت بفكر فى نهضة مصر؟
المهم انى اخدت الخطوه دى وانا ان شاء الله مستبشر خير لاننا ان شاء الله ناويين نزرع بأحدث وسائل الزراعه
وده كان سبب غيابى لاننا قمنا بزيارة بعض المزارع فى الصحراء للتعرف على اسلوب الزراعه وطبعا انا عارف
هتعذورنى على تقصيرى فى الفتره اللى فاتت والفتره اللى جايه لحد ما الامور تستقر وارجع اتابع معاكم من جديد
ادعولى يا جماعه عشان ابى ادوقكم من زرعة اديا ههههههههههههه
وشكرا ليكم جميعا بس خلاص