الاثنين، 29 ديسمبر 2008

العار يطاردنا

بسم الله الرحمن الرحيم

يطاردنا الذل والعار بين الحين والاخر يوم من جنوب لبنان ويوم العراق
وايام فلسطين الجريحه لقد تعمدوا زعمائنا ان يلبسونا ملبس الذل والعار
عن قصد وبكل اصرار كيف نتحمل مايحدث لاخواننا فى غزه لا نستطيع
وان حاولنا ان نتجاهل ما يحدث لاننا كما قال رسولنا الكريم مثلنا مثل الجسد
الواحد اذا اشتكى منه عضوا تداعى له باقى الجسد بالسهر والحمى لا نقدر
على تحمل ما يحدث لجزء منا من مذابح وانتهكات بمساعدة جميع زعماء
العرب والمسلمين وليس مبارك فقط وان كان مبارك هو اكثرهم مسؤليه لما
لمصر من مكانه ولدورها المحورى والمسؤل من قديم ا
لازل ما يحدث بالفعل
هو عار وشئ مخذى لكل مسلم اتتخيلون؟ سوف نسأل من قبل المولى عز وجل
عن ما يحدث لأخواننا وعن ما قدمناه لهم من عون ونصره والذى هو فرض
علينا وليس كما يصوره البعض وكأننا نمن على اخوننا بواجبنا نحوهم ....
اليوم فى برنامج البيت بيتك والاخ تامر امين حول القضيه للدفاع عن مصر
ودورها المخزى وكأن مصر هى مبارك وكأن مصر هى حكومة نظيف .لا
فمصر ليست هؤلاء مصر هى شعب فقير جدا اقتصاديا وبالرغم من ذلك حملات
التبرع بالمال والسلع الغذائيه فى مصر لا تنقطع من
اجل غزه بالفعل المواطن الفقير
يقتطع من قوت يومه ويرسله الى اهله فى غزه وهذا واجبنا وفرض علينا وليس بمن
عليهم ....لكى الله يا غزه لقد خذلوكى رؤساء دولنا وتفرغوا للحروب الاعلاميه
والتصريحات ..... اسمحولى اضرب مثل لموقف حسنى مبارك تجاه القضيه دى
(حسنى مبارك عمل وكأنه حبس شعب غزه فى حجره مع وحش ويقف خارج الغرفه ممسكا بباب الغرفه ولا يدعه يفتح حتى اذا حاول شعب غزه يخرج مستغيثا من الوحش يدفعه مرة اخرى الى داخل الغرفه ويغلق الباب من جديد ليواجه مصيره ويكون وجه لوجه مع الوحش دون ان يكون معه ما
يدفع به ظلم وجباروت هذا الوحش ) ..
اللهم اغث اخواننا فى غزه
اللهم كن لهم معينا ونصيرا
اللهم انا نسألك ان تخفف عنهم

..............

الخميس، 25 ديسمبر 2008

كهربا للمزرعه

بسم الله الرحمن الرحيم


السلام عليكم ورحمة الله وبركاته

انا حاسس ان مفيش حد هيدخل ويقرأ الموضوع ده بس انا برده هكتبه
حتى لو واحد بس اللى قرأه انا اولا بعتذر منكم جميعا لأنى فعلا مش عندى
وقت انى اتابع مدوناتكم زى الاول صحيح انا بمر اوقات على مدناتكم اقرأ
ولإن وقتى ضيق فمش بترك تعليق بس برده انا بعترف انى مقصر فى
حقكم وياريت تعذورونى الحقيقه انا المزرعه واخده كل وقتى بقوم بدرى
تقريبا الفجر وبرجع بعد العشا وطبعا برجع تعبان وبنام على طول من
كتر التعب المهم بقه ادخل فى الموضوع احنا تقريبا استلمنا ارضنا فى
اول يوم رمضان واول يوم فى شهر تسعه يعنى تقريبا داخلين على اربع اشهر
ومن الوقت ده واحنا بنجرى فى اجرا ءات الكهربا عشان نقدر نشغل بير
الميه اللى كلفنا حوالى 130 الف جنيه وكل يوم نسأل عن الكهربا وامتا هتركب
يطلعولنا بحجه تحسو ا انهم بيقصدو يعطلو الناس عشان الارض تفضل صحرا
يجماعه الروتين بتاعنا قتلنا ياما موت طموح شباب كتير وياما ناس زهقت من
الروتين وسابت ارضها بور بس هنقول ايه بلدنا كده واحنا بنحبها مش ممكن
هنتخلى عنها انا دلوقتى بزرع ارضى عن طريق جارى بيدينى ميه ازرع بيها
بالساعه بس متفق معايا انى مزرعش الارض كلها عشان ما اخدش ميه كتير
وطبعا ده بيخلينى اترك نص المساحه صفرا من غير زرع كل ده عشان روتينا الجميل
ياريت تدعولنا ان موضوع الكهربا ده يخلص قوام شكرا ليكم سلااااام

الأحد، 7 ديسمبر 2008

لبيك اللهم لبيك

بسم الله الرحمن الرحيم


السلام عليكم ورحمة الله وبركاته


كل عام وانتم جميعا بخير وان شاء الله السنه الجايه نكون صحبه على عرفات الله


لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك