01 فبراير, 2010

80 مليون مبروك يا مصر





مبروك لكل مصر مبروك لكل حد فرح لفوز مصر بالكاس السابعه فى تاريخها والثالثه على التوالى فى انجاز غير مسبوق عالميا حقنا ان نفرح بفريقنا الوطنى الذى اصبح فريق لا يقهر بقضل الله عز وجل ثم فضل المدير الفنى للمنتخب المعلم حسن شحاته وفضل لاعبى ورجال مصر المخلصين شكرا لكل من ساهم فى هذه الفرحه الكبيره .. وقد تمنيت هذا السيناريو من وقت ان علمت اننا سنلعب امام الكاميرون وهو منتخب صعد بالفعل لكأس العالم وان الفائز من هذه المباراه سيلعب امام الفائز من مبارة الجزائر وساحل العاج وهم منتخبين صعدوا بالفعل لكأس العالم حتى يتسنى لنا ان نفوز على المنتخبات الصاعده لكأس العالم جميعها وهذا ما حدث بالفعل وتمكنا من هذيمة اربعة منتخبات صاعده لكأس العالم وهم بالترتيب نيجيريا_والكاميرون_والجزائر_وغانا_ وذلك ليتبين للعالم بأسره ان كأس العالم خسر منتخب قوى وهو منتخب الساجدين قاهر الفرق والمنتخبات الصاعده لكأس العالم الحمد لله على ما انعم عليه بنا من فرحه بفوز مصر بالكأس السابعه......... يا كأس العالم خسرتنا ولم نخسرك

31 يناير, 2010

ستـــــــــــــر الله

بسم الله الرحمن الرحيم


فعلنا خطاينا وسترك مسبـل وما لشئ انت ساتره كشـــــــــف

ان لم نهفو وانت تكرما تعفو؟ فغيرنا من يهفو وغيرك من يعفو؟

29 يناير, 2010

وان.تو ثرى....أربعه فى الجييرى

بسم الله الرحمن الرحيم

السلام عليكم ورحمة الله وبركاته
مبروك لكل مصرى رد الاعتبار
مبروك لكل مصرى الفوز الساحق
مبروك يا مصريين ومتزعلوش على عدم التأهل لكأس العالم
صحيح احنا الأحق بس هنعمل ايه ملناش نصيب نوصل
بجد لو كان حكم مبارة مصر والجزائر التى اقيمت فى السودان
فى نفس جرأة وعدالة الحكم البنينى الذى قام بإدارة مبارة الأمس
لكان نفس السيناريو نفس الاداء القوى ونفس النتيجه الكاسحه.

الاعب الجزائرى نذير بلحاج كان يستحق الطرد بعد حوالى عشر دقائق
من بداية مبارة السودان وكذلك الاعب غزال مهاجم الجزائر كان يستحق
الطرد فى اول ربع ساعه من نفس المباره لكن الحكم كان معروف انه
حكم ضعيف الشخصيه وحكم غير عادل .

الحمد لله تمكنا من رد اعتبارنا الحمد لله تمكنا من اظهار منتخب الجزائر
على مستواه الحقيقى والحمد لله تمكن منتخبنا الوطنى من هزيمة ثلاث
منتخبات تأهلت بالفعل لكأس العالم وان شاء الله سيتمكن منتخبنا من هزيمة
المنتخب الرابع فى المباراة النهائيه والمتأهل هو الاخر الى كأس العالم
حتى يعرف العالم ان منتخب مصر رغم النواقص الظاهره فى صفوفه
هو المنتخب الاقوى والاقدر بتمثيل افريقيا فى المناسبات الكبرى

واحمدو ربنا تريكه مش هنا..

07 يناير, 2010

مش باقى منى يـــامصــــــــــــــــــــــــــر

بسم الله الحمن الرحيم

اخوانى واخواتى واصداقائى المدونيين والمتابعين انا عارف ان المتابعين
اقل بكثير من بداية المدونه وانا بعترف ان ده بتقصير منى لانى مش متابع
لمدونتى ومدونات اصدقائى وان كنت بتابع قراءه
البوست ده عباره عن اغنيه طبعا الكل سمعها بس يمكن عدت علينا زى ما
عدت على كتير من غير ما يدقق فى معانيها وما تحمله من مراره على
لسان ولاد مصر وهى اغنية فيلم دكان شحاته واللى بعتبره من العلامات
فى السينما فى العصر الحالى لانى بشوف ان ده دور الفن عموما الفيلم
صور مصر وعلاقاتها بالدول العربيه وازاى مصر بتحاول تقرب منهم
وهما فاكرين ان ده طمع فيهم .وصور الشرخ الموجود بين الدول العربيه
واللى كان جمال عبدالناصر من خلال القوميه العربيه بيحاول انه يجعله
غير موجود اساسا وكمان الفيلم اتكلم عن مشكلات المجتمع المصرى من فقر
وبطاله وفساد فى العمليات الانتخابيه ترجع للأغنيه تانى..

مش باقى منى غير شوية ضى فى عنيا انا هدهملك وأمشى بصبرى في الملكوت يمكن
فى نورهم تلمحى خطوه تفرق معاكى بين الحياه والموت..

مش باقى منى غير شوية قوه فى إرادتى حاسبى عليهم وانتى بتخطى مش باقى منى غير شوية ضى فى عنيا انا
مش عايزهم لو كنت يوم هلمحك وانتى بتوطى فى معركه مفيهاش لا طيارات ولا جيش ..
وانتى فى طابور العيش
بتبوسى إيد الزمان ينولك لقمه بتبوسى إيد الزمان ينولك لقمه من حقك المشروع ..
مش باقى منى غير شهقه فى نفس مقطوع
وانا صوتى مش مسموع يا حلمنا الموجوع من المرور ممنوع ..مستنى لما يمر موكب سلاطينك
ومش باقى منى غيرشوية كفر بشروقك على على شوية رحمه من طينك على شوية صبر من دينك
مش باقى منى غير شوية لحم فى اكتافى بلاش يتبعتروا فى البحر.
ومش باقى منى غير شوية لحم فى اكتافى بلاش يتحرقوا فى قطر الصعيد فى العيد.
بلاش لكلب الصيد تناوليهم. خدى اللى باقى من الأمل فيهم وابنيلى من عضمهم فى كل حاره مقام وزورينى مره وحيده لو كل الفين عام الم الجراح يتلم..
ومش باقى منى غير شوية دم متلوثين بالهم مريين وفيهم سم ومش باقى منى غير شوية دم مقدرش أسقيكى مواجعهم
وبرده مقدرش ارميكى وابيعهم يمكن فى مره تطلبينى شهيد هحتاج يوميها الدم يمضى على شهادتى...



الحقيقه انا كنت ناوى افسر كل جزء بالأغنيه بالطريقه اللى انا فهمتها بس قولت اكيد
الكلام واضح مش محتاج تفسير (( أولاد مصر بيكلموا مصر وبيقولو ليها مش باقى
منا غير وغير وغير
فبلاش يتحرقو فى قطر الصعيد فى العيد وبلاش يغرقو فى عبارات الموت وبلاش لكلاب
الصيد تناولينا زى مثلا انك يامصر تجبرينا على الهجره لبلاد تانيه نطلع ابدعنا فيها
ونبنى ونعمر فيها بلاش يامصر تقتلى الطموح فينا .. وده مجرد عتاب من ولاد مصر
لام الدنيا امهم وطبعا مصر مش ممدوح اسماعيل ولا هانى سرور وامثالهم مصر احمد زويل .
مصر مجدى يعقوب .مصر مصطفى محمود .مصر الدكتور الباز مصر غنيه بأولادها
))
متزعليش يامصر

17 ديسمبر, 2009

الحال يزعل

السلام عليكم ورحمة الله وبركاته

ازيكم جميعا يارب تكونو بخير
الحقيقه غير الكلام الحال يزعــــــل
لما المسؤلين يقولو يلا نعمر الصحرا والحكومه هتزيل اى عقبات قدام
اى معمر للصحرا احنا كنا بنصدق ده لكن لما بننزل لارض الواقع
بكتشف ان الحقيقه غير كده الحقيقه ان الحال يزعـــــــــــــل

ولما نسمع اخوانا العرب بيقولو انهم بيحبونا وان مصر هى الاخت الكبرى
وانهم مش ممكن يزعلو مصر وانهم بيشيلو ولادها فى عيونهم احنا المصريين
كنا بنصدق لكن لما بيحصل اى محك بينا وبينهم بنكتشف ان الحال يزعـــــل


ولما نسمع اد ايه مصر فى تنميه مستمره واننا فى تقدم اقتصادى مستمر
لما بنشوف العدد الهائل من خريجى الجامعات والمدارس من غير عمل
بنعرف ان الحال يزعـــــــل


ولما يكون الانتماء المقدم هو الانتماء لجماعه او لحزب او لنادى او لدوله
عن الانتماء للدين الاسلامى يبقى الحال يزعــــــــل


لما تكون شعبية مدحت شلبى وخالد الغندور ومصطفى عبده واحمد شوبير
اكبر من شعبية مثلاوائل الابراشى او احمد المسلمانى او منى الشاذلى
يبقى الحال يزعــــــــــل


لما المفكر الاسلامى العالم الكبير مصطفى محمود يتوفى ولا يحضر احد من
مسئولى الدوله ويتم منع برنامجه الشهير العلم والايمان من العرض يبقى
الحال يزعــــــــــل

متزعليش يا مصر



28 أبريل, 2009

المدونه مغلقه مؤقتا

انا بعتذر لكل اللى بيدخل مدونتى ومش بيلاقى مواضيع جديده
وده راجع لإنشغالى الجامد جدا فى المزرعه وان شاء الله لما
وقتى يسمح انى اكتب واقرأ واتابع مدونات اصدقائى المدونيين
هرجع اكتب واتابع وشكراا للجميع..........

01 أبريل, 2009

اضرااااااااااب


كل اضراب وانتم بخير وسعاده
كل 6ابريل وانتم مضربون
انا هشارك فى الاضراب ولو انه شئ سلبى زى ما بيشوف معظم السياسيين
الا انه اقل الايمان انا هقعد فى بيتنا مش هخرج فى مظاهرات مش هشنغل اليوم
ايه هيحصل يعنى ولا حاجه بس برده هشارك وهعمل اضراب يمكن يجى يوم
والاضراب يكون مؤثر
من الواضح ان 6 ابريل ده هيكون يو النضال والبحث عن الحريه المفقوده
عالعموم انا بعلن ان مدونتى مشاركه فى الاضراب