بسم الله الرحمن الرحيم
الإعتذار ده إعتذار عام وخاص .خاص لشخص معين هو هيقرأ البوست ده
وهيعرف انى بعتذر له،انا اسف لانى مقدرتش اكون قد وعدى ليك ،اسف
لانى زعلتك ،ويارب يجى يوم وتسامحنى لأنى بجد محتاج انك تسامحنى
واعتذار عام لأى حد انا زعلته فى اى شئ واى وقت ياريت تسامحونى
اسف لأى حد انا ضايقته بقصد او بدون قصد اسف ليكم يا أهلى لو كنت
زعلتكم يوم وأسف لأصحابى لو كنت زودتها معاهم يوم وأسف لأى حد
انا كلمته عالنت وضايقته حقكم عليا....
ادعولى يا جماعه انا بمر بوقت صعب عليا.............وشكرا
السلام عليكم ورحمة الله وبركاته
الإعتذار ده إعتذار عام وخاص .خاص لشخص معين هو هيقرأ البوست ده
وهيعرف انى بعتذر له،انا اسف لانى مقدرتش اكون قد وعدى ليك ،اسف
لانى زعلتك ،ويارب يجى يوم وتسامحنى لأنى بجد محتاج انك تسامحنى
واعتذار عام لأى حد انا زعلته فى اى شئ واى وقت ياريت تسامحونى
اسف لأى حد انا ضايقته بقصد او بدون قصد اسف ليكم يا أهلى لو كنت
زعلتكم يوم وأسف لأصحابى لو كنت زودتها معاهم يوم وأسف لأى حد
انا كلمته عالنت وضايقته حقكم عليا....
ادعولى يا جماعه انا بمر بوقت صعب عليا.............وشكرا
هناك 26 تعليقًا:
يا بخت من بات مغلوب ولا باتش غالب
تحياتي
ربنا يوفقك ويفرج همك وكربك
ابقى طمنا عليك
اختك خيخة
يا سلاااام اول تعليق
ربنا يفرج همك ويشرح صدرك
"ان بعد العسر يسر.. ان بعد العسر يسر"
واتمنى من الموجه ليه الرسالة انه يسامح
لان الدنيا مش مستحملة ومابنصدق نلاقى ناس نحبهم ...فحتى لو غلطوا فى حقنا لازم نسامحهم
لانهم اكيد قصاد الغلطة دى عملوا حجات كتييير قوى حلوة نسينا نشكرهم عليها
تحياتى
شيماء
ربنا يفرج همك يارب .. وجميل جدا انك عندك شجاعة الاعتذار الل للأسف مش موجودة عن ناس كتير أوى..
أخى الكريم دعاء الفرج وزوال الهم والكرب هو دعاء سيدنا يونس
لا اله الا أنت سبحانك انى كنت من الظالمين
فالله تعالى استجاب لهذا التضرع وهذا الدعاء قال تعالى :فاستجبنا له ونجيناه من الغم وكذلك ننجى المؤمنين
صدق الله العظيم
فعليك بهذا الدعاء والا ستغفار وستلقى الفرج القريب باذن الله ,,ربنا معاك أخى الكريم ودعواتى الصادقة لك بأن ييسر لك الله ما عسر عليك
طمنا عليك أخى الكريم
السلام عليكم
خيرهما من يبدا بالسلام
بارك الله فيك وربنا يفرج همك يارب
تحياتي وطمنا بئا
عزيزى
اكيد الاعتذار واجب بعد كل غلط تجاه اى انسان واى انسان عاقل يقبل الاعتذار
بس يا ريت تحاول ان تتماسك ولا تحاول تجريح اى احد مهما كانت حالتك
وده بقه تعليقى عند محمود علشان نتعود نتاكد من معلوماتنا قبل ما نعرضها كده وننشرها
حرام عليك بجد
هما الفلسطنيين ناقصيين نفترى عليهم
اتاكد من المعلومه قبل ما تنشرها
ومحدش من اللى بيخشوا يعنى خش مصرمصراوى وفرا
ولا حد منهم سمع الشيخ وهو بيتكلم فى القاهره اليوم
امام مسجد غزة يقاضي صحيفة روزاليوسف لما نسبته إليه من فتوي بقتل الجنود المصريين 4/16/2008 9:02:00 PM
غزة- نفى إمام مسجد في غزة ما نسب إليه بأنه قد أفتي بقتل الجنود المصريين إذا اعترضوا دخول الفلسطينيين الي مصر بسبب الحصار.
وقال الشيخ عبدالحميد كلاّب، إمام مسجد "المتقين" في خان يونس بقطاع غزة في تصريحات للعربية نت إنه سيرفع دعوى قضائية ضد صحيفة روز اليوسف التي نسبت إليه هذه الفتوى.
وأدان موقف شيخ الأزهر د.محمد سيد طنطاوي بسبب تسرعه وادنته للفتوي دون التدقيق في صحتها.
طبعا كانت هتبقا حكاية وحماس بقه تقوموا الناس عليها اللى مات منهم اربعة وموتوا 3من الاسرائلين وانت نايم بتشخر
وقولى ايه رائيك فى المحاكمات العسكرية للاخوان واللى حصل فيها
ولا بس فالح تخش تدينهم وعند ظلمهم متفتحش بقكك
ربنا مش هسيب اى ظلم نحيت اى حد بكلمة حتى مكتوبه
ربنا يهدى
تحياتى
سلام
اخى الفاضل فرج الله همك
وازاح غمك
عليك بدعاء فك الكرب
لا اله الا أنت سبحانك انى كنت من الظالمين
فالله تعالى استجاب لهذا التضرع وهذا الدعاء قال تعالى :فاستجبنا له ونجيناه من الغم وكذلك ننجى المؤمنين
تحياتى
احمد سكر
ربنا معاك بجد ومن قلبى بدعيلك
بجد زعلتني يا احمد
ربنا يفك ضيقتك يارب ويسعدك دنيا واخرة
ابقى طمنا يعم عليك
ربنا معاك
زعلتنا عليك يا عم أحمد
خير ان شاء الله
ربنا يفك ضيقتك ويفرج همك وترجع لنا بالسلامة
كان الله لك ولنا
ربنا يفك كربك ويفرج همك ويسعد حالك
امين يا رب العالمين
لا اله الا انت سبحانك اني كنت من الظالمين
" دعاء لتفريج الهم"
هههههههههههه
معلش اكتشفت انى كاتبة فى تعليقى انى اول تعليق
مع انى ماكنتش اول تعليق
عادى عادى .... مقدمات زهايمر
تحياتى
شيماء
ربنا يفرج كربك
ويزيل همك
وهديك الخير كله
ويكفيك الشر كله
وان كنت عندك القدره على الاعتذا
اتمنى اللى انت تقصده يكون عنده القدره على السماح
تحياتى
ربنا يهديك يارب ويقويك
وياعم احنا مسامحينك ولا يهمك
ههههههههههه
انا عارف ان الحاله دى سببها انك رفضت التاج وخايف على زعلى
انا عفيتك منو
بس فكها وروق كدا يا باشا
ربنا يوفقك يا رب
ربنا يوفقك
يا استاذنا
السيد الكريم
تابع على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html
وجزاكم الله عن نبيكم خيراً
انا مش عارفه انت عملت ايه؟ و لا قلت ايه.. لكن اعتذارك مقبول ...يا بخت من قدر و عفى..زالواحد بينسى مع الايام اى حاجه و كل حاجه ..لكن المسامح هو الله...و انا مع-انا مش موافق- فى حاجه واحده بس هى تحرى الاخبار قبل ترديدها .......و على فكره اسراء مامتها اسمها فاطمه.بس خلاص
السيدة الكريمة
الاعتراف بالندم او الخطا دا خطوة رائعة فى شخصية كل انسان مهذب محترم ودا بينبى عن تواضع الذات
ولكن
انا بعتقد ان حضرتك لو اتاسفتى مباشرة لهذة الصديقة او الحبيبة سيكون افضل - من خلال رسالة ايميل رقيقة وجميلة او اعتزار من خلال صديقة لكليكما او عن طريق الاهل - سيكون الاعتزار اجمل
اما على العلن فاعزرينى - غير مقبول لانها خصوصية بالنسبة لك ولن تسلمى من قبل وقال
تحياتى
السلام عليكم ورحمة الله وبركاته
شكرا جدا يا جماعه متشكر لاهتمامكم
ومتشكر للدعاء
انا بطمنكم عليا انا الحمد لله كويس
بفضل الله ثم دعائكم ليا
=============
الاستاذ انا مش موافق
انا متشكر عالنصيحه
بس ايه بس اللى انا نشرته ومكنتش متأكد منه ده على فكره عمره ما حصل ماعايا
اما بخصوص الاعتذار فأنا بعتذر لشخص بعينه على خطأ معين وبعتذر لأى حد انا ضايقته حتى لو مكنتش ااقصد
==========
حرية الفكر والابداع
انا اخوك مش اختك اوك
عالعموم انا اعتذرت للشخص ده منى له وهنا كمان وايه المانع انى اعتذر هنا كمان
====
لتانى مره بشكر كل اللى سألى عنى ودعا لى شكرا ليكم كلكم
أ.سمير_نوران اللى مش خيخه_شيماء شقاوة_عائشه مصر الى مشفتهاش_مجداويه _عاشقة النقاب_انا مش موافق_احمد سكر_اببى هانم_صاحب المضيفه_زهرة العرب_منى_د\اجدع بنوته سمسمه_محمود تايه _وحسام يحى_واحده مفروسه _حرية الفكر والابداع
شكرا بجد والله متتصوروش والله انا كنت فرحان اد ايه لما شوفت تعليقاتكم
تحياتى ليكم جميعا
اول مره آآجي هنا
بس الاكيد اني امام انسان حساااااااس جدا
وانا اشترك في هذه الصفه معك
جميل اوي لما تقدر تطلب سماح من شخص قد يكون اصابه زعل او ما شابه من موقف صغيييييييييير او حتى كبير
المهم احساسك انت
ربنا ما يزعل حد منك ويحبب كل الناس فيك
اكيد الى زعلان منك اول ما هيسمع الكلام ده هيروق علطول وربنا بعدى ايامك على خيير ويجعل ايامك كلها سعاده
تحياتى ولاء
ربنا يفرج كربك ويزيح همك ويصلح حالك
بجد وجعت لى قلبى
خلاص متزعلش
ادعى ربنا
وربنا يفرج همك
عليك بالدعاء
انا مجربه الاحساس ده
ربنا بجد معاك
اللهم ارزق صديقي في الجنه قصرا من النور و اجعله دائما مسرور و اجعله في الدنيا من ملائكة الارض و اسعده في الجنة بالحور
ابني العزيز بس ما تخدش علي حكاية ابني دي :)) كل بني ادم خطاء و خير الخطاؤن التوابين إذا غفر الله للبشر الا يسامح البشر
لو مرة زعلت حد ابعت له الاية الكريمة " و الكاظمين الغيظ و العافين عن الناس و الله يحب المحسنين "
و اسأله هو اي درجة من هذه الدرجات الثلاثة يكظم و لا يعفو و لا كمان يجيب لك هدية :))
مش قلت لك يوم ما رديت علي اخر بوست لي ان شكلك زعلان شفت بعرفك من كتابتك ازاي ماما بقي :)))))
إرسال تعليق