سرقة كابلات التليفونات

بسم الله الرحمن الرحيم

السلام عليكم ورحمة الله وبركاته

ازيكم يا جماعه اخباركم ايه ليكم وحشه والله وعارف انى مقصر فى حقكم بس اعمل ايه بس
مشغول والله نيجى للمهم ايه هو المهم ده .......كل فتره نلاقى النت فصل نسأل ياجماعه النت
فصل ليه يقولو الكابل بتاع التليفونات العمومى اتسرق وعرفنا ان الكابل ده بيكون نحاس
وبيكون تقيل ضخم يعنى ويساوى كام الف جنيه حاجه فيها الطمع يعنى المهم ياجماعه الكابل
ده اتسرق اكتر من مره طيب ادام الكابل اتسرق مره وهو غالى كده يبقى ليه ميكونش ليه حراسه
وحراسه كويسه كمان او ترجع نظام دوريات الامن زى زمان اللى هو كان عسكرى الدرك او
عسكرى الدوريه اللى بيلف طول الليل فى الشوراع ليؤمنها من اللصوص ...........
من حوالى عشرة ايام اتسرق الكابل وعرفنا ان الكابل اتسرق ساعة اذان الفجر وسمعت ان
اللصوص كانوا بحوزتهم سلاح الى لكى يخافوا الاهالى ويتركوهم دون مقاومتهم
شوفتوا يا جماعه معدل الجريمه بيزيد ازاى انتشار البطاله وانتشار الفساد وعدم العداله
كل دى عوامل تؤدى الى ازدياد معدل الجريمه وكل اللى احنا فيه ده ونلاقى الفضائيات
مهتمه بإزاعة ماتشات الاهلى ومشكلة اذاعة الماتشات انا اهلاوى جدا بس يا جماعه مش
دى المواضيع اللى جهاز خطير زى الاعلام والفضائيات تهتم بيها احنا عندنا مشاكل اكبر
واهم نهتم بيها.............شوية ضمير ياعالم هو انتم مش بتفكروا فى اخرتكم خالص ؟