زيد زى عبيد

بسم الله الرحمن الرحيم


السلام عليكم ورحمة الله وبركاته

اسف ليكم ياجماعه عشان مش بتابعكم زى الاول اعذورونى مشغول شويه بس على قد ما بقدر بحاول اتابع
انا مكنتش ناوى اكتب اى حاجه بس الاحداث اللى بتجرى دلوقتى فى لبنان والسودان دفعتنى انى اكتب عنها
انا مش حاسس بتغيير كتير وفروق بين الدول العربيه والاسلاميه بصراحه كلهم زى بعض حالهم الداخلى
والخارجى شبيه جدا ببعض عارفين ليه؟ عشان شغل اليهود والغرب واضح جدا وعلى رأى المثل (اللى
مايشوفش من الغربال يبقى اعمى)وطبعا الغربال عيونه واسعه وموضحه كل شئ التفكك اللى فى لبنان
واللى بفعل فاعل وواضح فاعله انها اسرائيل لان اسرائيل معرفتش تهزم لبنان وتحتلها عسكريا فرجعت
للأسلوب المفضل ليها وهى فرق تسود طيب نرجع ونحلل الموقف ايه الجديد اللى شعلل الموقف ؟ الجديد يا جماعه
ان امريكا واسرائيل عايزين يقضوا على حزب الله بعد ما اتأكدوا انها قوه جامده عن طريق رجالها اللى هما
من السنه مثلا سعد الحريرى زعيم الاكثريه طبعا الخلاف لازم يجى حبه حبه مش بسرعه وبفهلوه
المهم الاشاره كانت ان فؤاد السنيوره وده رئيس الحكومه اصدر قرار بفك وحل شبكة اتصالات الخاصه
بحزب الله وطبعا شبكة الاتصالات دى معنها انهم فى معزل عن اى حد فى الدوله يعنى ميعرفوش يتصنتوا
عليهم وده اللى رفضته حزب الله لان معنى فك شبكة الاتصالات الخاصه بيها انها بتفقدها قوتها
المهم اتحرك الحزب ونزل الشارع بالاسلحه لحماية نفسه وحماية كيانه وبسرعه نقلت وسائل الاعلام
الخبر بأن حزب الله يستولى على احياء سنيه كأن الموقف معد ومبيت له لتتحول انظار الناس لينظروا
للمسأله بدلا من انها مسأله سياسيه الى انها مسأله عقائيديه وهذا ما تعودنا عليه فى بلادنا العربيه
انا سنى واختلف مع الشيعه فى معتقداتهم ولكنى لا ارى فى موقف حزب الله هذا شئ من التناحر المذهبى
أرى ان هذه لعبة امريكيه جديده للسيطره على لبنان ........اللى بيحصل فى لبنان زى اللى بيحصل فى السودان
زى اللى بيحصل فى مصر زى اللى بيحصل فى كل الدول العربيه من تعتيم اعلامى وتحويل المواضيع
لتخدم مصالح الحكومات